مفيد نيوز
أكد على أبو جريشة، نجم الاسماعيلى ومنتخب مصر السابق، أن أدهم السلحدار، المدير الفنى السابق للدراويش، الذى وافته المنية أمس، كان ملاكا يمشى على الأرض، وكانت لديه روح عالية في الملعب، وقال: "سبق ورشحته يكون متواجد فى القيادة الفنية للاسماعيلى وأدهم كان محبوب من الكل والناس كلها حزانى عليه". وأضاف أبو جريشة، فى تصريحات لقناة أون تايم سبورت 1: "نتمنى من المجلس الحالي أن يركز في الفترة الجاية، لحد دلوقتي المجلس بيتكلم في مشاكل الماضي، مع إن حضرتك عارف إن النادي فيه مشاكل نتمنى النهاردة يحط الحلول ويصحح الأوضاع اللي هو شايفها غلط ويطمئن الناس والجماهير على الفترة الجاية ده اللي الناس قلقانة علشانه، المفروض إن ده مجلس جديد بروح جديدة والناس هتساند". من ناحية أخرى، قال الإعلامى سيف زاهر، إن محمود كهربا، لاعب الأهلى، سيرحل عن القلعة الحمراء فى يناير المقبل، سواء على سبيل الإعارة أو البيع النهائى. وأضاف زاهر فى برنامجه ملعب أون تايم بقناة أون تايم سبورت 1: "كهربا هيمشي في يناير إعارة أو بيع، والكيمياء مش ماشية مع موسيماني وصعب موسيماني يعتمد على كهربا في وجود لاعيبة كتير نجوم في مركزه". وتابع زاهر: "الهلال السعودي طلب محمد شريف على سبيل الإعارة لكن الأهلي رفض وتمسك باستمرار اللاعب". وتحدث زاهر عن كارتيرون مدرب الزمالك، قائلا: "كارتيرون مكمل مع الزمالك، يتبقى ملف المدرب العام و المساعد لكن الراجل موجود، وعاوز يقعد ويحقق إنجازات مع الزمالك في الفترة اللي جاية".
